叄壽司凍肉專門店

营业中

休息中

本身行經呢間舖見佢門口個達摩擺設幾得意就行入去睇下，見到佢有新鮮三文魚骨腩／魚脂買，我小朋友最鍾意食，仲要價錢好優惠。呢間鋪賣好多唔同種類食品，店員好好傾，佢話呢度有即製壽司同埋日本料理，咁我就決定試下，今日午餐唔煮啦🤣點左個豬軟骨拉麵，份量多，而且食落非常入味同夠火喉，豬軟骨咬落爽口，豬肉夠滑，食起嚟唔鞋口；拉麵彈牙，唔會煮到太淋，呀囡超鐘意食！至於我就揀壽司食，珍寶帶子，海膽軍艦，香蔥吞拿魚腩蓉，辣味三文魚，腐皮吞拿魚沙律。珍寶帶子真係好有份量，成隻手指咁長又厚身，重點係好有鮮味！海膽同吞拿魚腩蓉軍艦，同樣出色，份量好多，食落鮮甜，好食；壽司件件都大大件，好足料，令人滿意！