餐廳佔地非常大，飲品有一個大雪櫃，非常寬敞的座位，精美沙律、日式小食前菜、熱葷、甜品、雪糕，任食放題自助區也這麼豐富。
1
另一個重點免費任飲啤酒 、清酒🍶、燒酒、梅酒，酒鬼啱晒慢慢品嘗。
晚市放題
食物以QR CODE 落單，十分方便環保，又唔會出現漏單情況，第一件事食刺身！
選擇多內容有豐富，所有刺身都好新鮮，入口爽、滑、彈，肥美油香，鮮甜好味道，越食就越想食。
北海道帶子、甜蝦、象拔蚌，我的最愛。油甘魚、針魚、希靈魚、北寄貝、蜜汁仿鮑片、赤貝、螺片、花海哲、赤蝦🦐滿滿的也不錯。
平時到壽司店我最愛吃軍艦壽司，蟹籽軍艦、蟹肉蟹膏軍艦 令我回味在東京的味道，很有蟹將軍的影子。
蒲燒鰻魚香噴噴，醬汁甜美，魚肉肥美滑溜，我一個人食晒四件，滋味無窮。
芝士鰻魚玉子燒、花之戀、明太子牛肉卷，食到咁靚嘅創意壽司真係值回票價，質素也不錯。
黃金焗開邊蝦，焗到金黃色，大大隻蝦肉彈牙，好味道。
花雕醉鮑魚，花雕淡淡的酒香，冰鎮鮑魚爽口彈牙，真係好欣賞貴價食材都係任叫，一啲都唔吝嗇，我哋都好珍惜食物叫一 round 就夠啦!
芝麻雞翼，又係我去居酒屋必食🏮 勁香芝麻味，雞翼炸得外脆肉嫩又多汁，值得encore。
瑤柱扒豆苗，中女三寶要食啲熱野溫暖一下胃，瑤柱扒豆苗 翠綠鮮甜。
雪花牛肉鍋，吃到最後再來一個2人鍋，半山熟牛肉入口柔軟，湯底清甜，加上日式蔬菜🥬美味也。
到甜品雪櫃再吃 乳酪雪條和軟雪糕，完美了今晚的放題盛宴，抵食好食值得推介俾朋友。
