漁之部屋 (已結業)

朋友介紹黎呢間位於新都城嘅漁之部屋，裝修唔錯，對佢地嘅食物質素超級期待! 放題方面有刺身、壽司、手卷、天婦羅、燒物、炸物、串燒及鍋物等，可隨心所欲揀自己喜歡既食物。即刻叫刺身先，帶子好大片，赤貝同北寄貝亦都好大隻，鮮味爆標。蝦，油甘魚同三文魚都好新鮮。刺身新鮮、炸物出色，炸芝士波波同燒菠蘿係必選。炸物全部都熱辣辣即叫即炸，而且一啲都唔油膩。最鐘意就係佢既炸芝士波波，又香又甜，炸得外脆內軟。有菠蘿狂熱份子叫到一枱都係，又甜又多汁。各式汽水飲品無限暢飲，真心抵!