スーパー丼 (大埔超級城) (已結業)

今日去左大埔一田睇睇有冇筍貨。血拼完之後好想食飯，甘岩見到新開，而且人流都多，價錢又合理，試下無妨😃叫左2個丼飯。1.Superdon$128有蝦、帶子、三文魚、吞拿魚蓉、拖羅同我最愛嘅三文魚子；樣樣刺身都好新鮮，無雪藏味，好滿足！2.火炙藍鰭中拖羅-吞拿魚蓉丼$158拖羅燒得岩岩好，半生熟，肉質比較結實；但配上口感軟林林嘅吞拿魚蓉，撈埋鼓油同芥末，好味😋依度嘅食物份量同質素都好唔錯，食材都十分新鮮，下次會再食過。