盛寅慢煮製麵 (已結業)

阿女又發現左牛頭角有間盛寅慢煮製麵，餐廳與日本人合作開設，以日系風格同食物做主打，今日話一齊過去試吓。餐廳賣點係所有肉類都係慢煮處理，將肉汁原汁原味封鎖，而麵嘅湯底都係每日新鮮製造，唔加味精，用原材料熬製嘅湯底，有大地魚蝦米湯、洋蔥大蒜雞白湯、蕃茄南瓜濃湯。一人套餐比較抵食炸物拼盤：雞皮餃子、脆炸蜂巢豆卜、椒鹽無骨雞翼。每樣都係即叫即炸，熱辣辣香脆可口。其中雞皮餃子以雞皮取代傳統餃子皮。炸後外皮金黃酥脆，內餡多汁爽滑，口感軟嫩。醉雞卷湯麵，蕃茄南瓜濃湯，烏龍麵慢煮醉雞卷, 肉質嫩滑兼散發出淡淡啲的酒香，湯底嘅南瓜甜美濃厚，番茄清新微酸，味道十分融合。麵條掛湯後食，味道鮮甜，口感爽滑！雪碧炸物拼盤，凍鴛鴦蔥油雞伴麵、大地魚蝦米湯，刀削麵，雞可選脾肉或者雞胸，揀咗胸肉，肉質鮮嫩，雞味濃郁肉汁豐富，彈牙飽滿的麵條，麵粉香氣十足，口感紮實，配上蔥油 味道就更為佳，口感層次豐富。另上的湯係用大地魚和蝦米熬製而成，味道濃郁清甜。小食好好味，再Encore：脆炸蜂巢豆卜，反轉豆卜再釀入鯪魚拎去炸，炸到金黄酥脆，餡料魚肉很香很飽滿。加埋粟米粒添加左甜味！椒鹽無骨雞翼，雞翼炸得香口，加入少許椒鹽非常惹味