味道樂居酒屋 (河內道) (已結業)

同朋友出尖沙咀shopping食埋飯先返屋企，諗起河內道《味道樂》，食完搭車都好方便。店內裝修日本風，居酒屋格調，好啱朋友傾計飲返杯。香炸日本池魚仔~好喜歡呢個池魚仔，即叫即炸，脆卜卜原條炸起，十分可口，最啱送啤酒。火炙北海道帆立貝蟹膏卷~蟹膏淋上新鮮帆立貝，帆立貝好鮮甜，輕輕炙燒，整個飯團卷都非常吸引。鐵板蒜片香煎厚切煎牛舌~蒜片鐵板上，這個煎牛舌比較淋身，一咬入口好juicy，充滿香濃牛舌味道。原條成田醬炭火燒鰻魚飯~真係不得了，好大條鰻魚，完全遮蓋咗啲飯，仲大過一隻手掌，鰻魚夠曬肥美，入口魚脂滑捋捋，正啊！