串本屋 (已結業)

今日去左柯士甸站附近食日本野。店面用上日式敞門設計，環境裝修平實，坐位舒適，非常有日本居酒屋的感覺。餐廳如其名主打日式串燒，菜單上仲有數十款地道日本美食，一品料理、日式鍋物、天婦羅、拉麵、茶漬飯、特色飯漢堡、佐酒小食等，一應俱全。以番茄作為前菜，配上自家製的醬料，令胃口大開。鹽燒雞中翼：燒得恰到好處，雞肉保持嫩滑。監燒封門柳：濃香牛肉味勁出，切粒狀都唔會好韌。三文魚茶漬飯：三文魚很鮮味，配上昆布湯，好清甜，跟一碟醃蘿蔔。長崎豬骨湯豚肉腩片鍋：勁多配料，令個湯底加倍濃郁，特別一讚，個獅子狗會爆芝士，好正。日式鰻魚炒飯：飯炒到金黃色，乾身不油膩，非常有鑊氣。燒日本芝士年糕：用紫菜包住件年糕，好Kawaii。日本甜蕃薯仔：軟綿綿，好味道。奇異果乳酸梳打：清新又解渴，仲好大杯。餐廳很用心製作每款食物，仲會在每款串燒上放一片檸檬及蓮藕片，真係不惜工本，好有誠意。