楓 (已結業)

今日天氣好熱，坐低即刻叫咗西柚綠茶同蜂蜜柚子烏龍茶消消暑。炙燒慢煮雞叉燒蕃茄湯烏龍麵雞叉燒炙燒過好香口，慢煮令雞肉保持嫩滑，蕃茄湯味道夠濃郁，個底超級多蕃茄肉，烏冬煙靭好掛汁，仲有隻糖心蛋食好正。夕二大阪燒（章魚)味道好有日本風味，痴線多木魚絲、椰菜同蛋漿，配上特製醬汁，再加上章魚粒滿滿口感，大阪燒份量唔細，起碼兩個人食先食得哂。餐牌無嘅芝麻醬烤蛋糕，個蛋糕底超鬆軟，碗碟都好有心思。乳酪雪糕《自由配》開心果脆脆、香濃紫米、Oreo餅、棒子醬，每啖都好驚喜。