餐廳主要提供日式定食，可以自選主食，麵/飯，湯底，沙律和冷盤。
特別一提：雖然叫chill house，但因為店鋪好細，得四張四人枱，坐得好唔舒服，完全唔chill嘅感覺 (⑉･̆⌓･̆⑉)同埋多人嘅時候要同人夾枱都可以理解，但明明都有空枱，唔知點解仲要我地逼埋一齊坐，枱同枱之間連塊板都無，食食吓就會掂到隔離嘅人，逼到只想快d食完嘢走(⁎˃ᆺ˂)
𝕄𝕖𝕟𝕦
>>銀鱈魚西京燒 + 稻庭烏冬(昆布木魚湯) + 芝麻醬秋葵 + 味付海蜇 $126
額外加左個醬油蛋($8)，撈烏冬食真係好好味σ(≧ε≦ｏ)美中不足係個湯底偏鹹少少～銀鱈魚就正常發揮，無咩腥味。味付海蜇很爽口。
>>慢煮封門柳配自家製雜菌燒汁 + 越光米飯 + 柚子紫薯青蘋果沙律 + 味付海蜇 $98
封門柳有小小驚喜，6塊厚切的牛肉，肉質好嫩，配上雜菌燒汁很下飯。柚子紫薯沙律食落有d奇怪，味道唔太夾 (×_×;）
友人跟餐要了一杯白桃乳酸($15)，據他所說是「好難飲」，maybe係罐裝飲品加冰算數。
整體黎講，食物質素OK，份量偏少，比較大食嘅男仔應該唔夠飽，但對於想控制飲食嘅人黎講都算係健康嘅選擇環境唔算舒適，唔適合想傾計/約會/慢慢享受食物嘅人。
★味道：3.8/5
★環境：3/5
★服務：3.5/5
★性價比：3.5/5
★推薦度：3/5
