一起食堂 (域多利皇后街)

营业中

休息中

餐廳位於中環，食物真係唔算貴。對比過午餐同晚餐價錢都係一樣。原條蒲燒鰻魚飯１３８＄今日重點美食，鰻魚燒得好香好入味。仲燒得好淋，放入口唔洗啃就可以食到，加埋脆身既紫菜，口感味道一流。但係Ｄ飯煮得太濕太軟，不過當然有人係中意食濕Ｄ既飯。台式爌肉飯７８＄爌肉有兩大舊，炆得好入味，肉身炆得好淋，仲有Ｄ魯肉燥可以送飯，因為撈埋一齊食實在好好食。飯ＳＥＴ仲有３碟前菜同埋一碗湯。前菜有蒜香雲耳，沙律，甜紫薯。海鮮稻庭鳥龍麵８８＄海鮮好足料，有蝦，青口，魚片，墨丸等等，湯底有淡淡面豉味。炸花枝丸３２＄有４粒，仲有Ｄ鹽酥粉可以自己點，更加惹味。飲品叫左冬瓜茶同埋桂花雪梨茶。冬瓜茶甜度剛剛好，好清新。終於系中環呢D地方搵到D價錢真系唔貴，但又好好食既餐廳，真心推介。