菊一巷 (已結業)

鰂魚涌嘅上班族應該都會煩惱晏晝食咩好，大街果啲餐廳試過，不如轉入巷仔試下呢間日式餐廳，有唔同嘅日式定食，包沙律同味噌湯。◽ 咖喱吉列大蝦定食 $84即叫即炸大蝦，入口熱焫焫，炸嘢一定要夠熱先好食，蝦肉彈牙又大大隻，咖喱係本人喜愛嘅甘口咖喱，撈飯好好食，本身以為會唔夠餸送飯，食到最後都仲夠。◽️ 泡菜豚肉定食 $80日式嘅泡菜豚肉就冇韓式嘅咁辣，同埋味道會偏甜酸，豚肉就正常。◽️ 塩燒鯖魚定食 $80魚肉都尚算嫩滑，燒得都唔乾身，加青檸汁增加味道。