烏龍燒 (已結業)

成日行過都覺得吸引，一向鐘意日式串燒，而家仲自己燒，好似好好玩。呢度好多特色飲品又有好多款手工啤酒，叫左白果腐竹沙冰，好特別，係白果腐竹既沙冰版，好飲又清熱。豚肉串，五花腩，切到方形肉粒，膏油燒到金黃時好香。食落微脆，原來自己燒都可以好好食架!玉子菜莆蛋，好得意，用鐵板仔燒，先燒玉子，金黃後加菜莆及蛋漿，蛋漿燒到8成熟，好正，三種口感。有半熟蛋感的玉子蛋。麻辣牛骨髓，用迷你煲仔燒，用蓋蓋住燒，真係唔知幾時熟，好在店員好helpful, 幫左我幾次睇火。牛骨髓好滑，like 薑葱廣島蠔煲，估唔到呢度食到鰻魚，都係鐵板燒，燒到金黃蓋鰻魚燒汁，好好食，四十幾蚊咁大塊鰻魚，性價比極高，日本餐廳可能只有呢度一半。甜品係焦點脆脆香蕉，配朱古力醬同棒子醬，比焦糖燉蛋天健康既甜品慢慢燒，慢慢食，係三兩知己唔錯既選擇。