影片
更多
2019-04-20
52 浏览
旺角新商場T.O.P有好多好野食，而今日係happy friday，朋友就帶我黎食抵食既日式火鍋啦～7點就黎到既我地好好彩唔需要等位，係門口預先揀好湯底就可以入座。菜菜鍋係一人一銅，每人任選兩款湯底，我揀左今個月既推薦-黃金骨膠原雞湯&壽喜燒。個湯有舊骨膠原波波，精華就係哂呢到。$239既廣島蠔牛肉套餐: 包任食上等牛肉、特上牛肉、豬肉、蝦、廣島蠔。廣島蠔雖然唔大隻，約5cm長，但非常飽滿有光澤。蝦約8-10cm長，色澤亦唔錯，有d仲有蝦膏。豬肉切得好薄，所以好快熟，滾一滾就食得，肉唔"鞋"，亦冇羶味。特上牛肉(白色碟): 油脂較少，牛肉味香濃突出。 上等牛肉(黑色碟): 油脂較多，係平時食開肥牛。除左以上肉類海鮮可以任食，出面亦有凍櫃，有大量蔬菜、丸類、魚肉、青口等。個人encore左幾次牛丸，好彈牙好多汁架~凍櫃冷氣好大，確保食物新鮮唔會有菌，而且refill非常快，包你款款都試到。調味料區五花八門，我就自制左最基本既蔥蒜醬油。野飲、熟食應有盡有，d野食未熟可以醫下肚先。食飽仲有飯後甜品啊，可以自己吱雪糕&落topping，我唔記得影張相就食哂杯雪糕啦總括黎講，呢個價錢可任食日式火
7點就黎到既我地好好彩唔需要等位，係門口預先揀好湯底就可以入座。
菜菜鍋係一人一銅，每人任選兩款湯底，我揀左今個月既推薦-黃金骨膠原雞湯&壽喜燒。個湯有舊骨膠原波波，精華就係哂呢到。
$239既廣島蠔牛肉套餐: 包任食上等牛肉、特上牛肉、豬肉、蝦、廣島蠔。
廣島蠔雖然唔大隻，約5cm長，但非常飽滿有光澤。蝦約8-10cm長，色澤亦唔錯，有d仲有蝦膏。
豬肉切得好薄，所以好快熟，滾一滾就食得，肉唔"鞋"，亦冇羶味。
特上牛肉(白色碟): 油脂較少，牛肉味香濃突出。
上等牛肉(黑色碟): 油脂較多，係平時食開肥牛。
除左以上肉類海鮮可以任食，出面亦有凍櫃，有大量蔬菜、丸類、魚肉、青口等。個人encore左幾次牛丸，好彈牙好多汁架~
凍櫃冷氣好大，確保食物新鮮唔會有菌，而且refill非常快，包你款款都試到。
調味料區五花八門，我就自制左最基本既蔥蒜醬油。
野飲、熟食應有盡有，d野食未熟可以醫下肚先。
食飽仲有飯後甜品啊，可以自己吱雪糕&落topping，我唔記得影張相就食哂杯雪糕啦
總括黎講，呢個價錢可任食日式火鍋真係好抵，而且上菜快，冇漏單，refill密真係冇得輸，如果唔係限時90分鐘就好啦～
张贴
