牛天神 (已結業)

Last day先發現到新開既牛天神，唔通連個天都唔鍾意我😭天氣炎熱加上尖沙咀冇咩平靚正既餐廳，呢個月都帶飯。最後幾日同同事farewell出去食飯，先留意到六兩三對面開左牛肉丼飯🤷‍♀️❤️銅鑼灣未執既時候已經想試，可惜當年又唔近我舊公司😂

自助落單好fun😂可以俾現金或信用卡👍食物只有牛同雞，選擇唔多啱曬，唔洗諗食咩。座位較少，lunch time要早d黎。

擔心唔夠飽，叫左雙倍牛肉飯，送麵豉湯❤️估唔到個碗咁深，差d食唔曬🤗應該落左好多麵豉，麵豉湯勁濃味👍蘋果汁$20偏甜🍎枱面有凍水壺自己倒水😃 普通牛肉飯都係$50，質素絕對好過對面既火鍋店(menu轉黎轉去都係嗰幾味，冇鑊氣干炒牛河都冇得叫) 同隔離茶記(應該係個廚師中過covid後味覺弱左，幾次外賣都極咸，咸到食緊鹽咁) 。