養心殿台式養生鍋 (已搬遷) 新店位置

星期六晚黎左呢間食火鍋，雖然6點半已經去到，但係由於冇book台既關係，都係冇位。一開始店員就建議我地不如去佐敦分店食，佢地會有專車接我過去。之後等左10分鐘左右，佢地話會其實都可以係呢間門市食，不過要8點前還台，而且仲會比七折優惠比我地。雖然急少少，但係好抵啊 🤤🤤🤤呢到嘅火鍋湯底，非常足料，除左揀左個「寧神養心鍋」之外，我自己比較鐘意食辣野，所以就再加半個「麻辣鍋」。寧神養心鍋有雞有魚，真係真材實料，而麻辣鍋裡面亦有台灣直送嘅鴨血（真高質）同埋凍豆腐。好滿足！