風流居酒屋 (已結業)

今勻被朋友嚇死! 帶我去了銅鑼灣登龍街，話請我去居酒屋。上到來，隨即感到唔多妥，晚飯繁忙時間，銅鑼灣旺區，入到去，竟然一個客人都無，好驚驚呀! 店員隨即甦醒招呼我們入座。餐牌印得幾靚，顯示出有好多款飲品和食品，到處還上 “廚師推介” 的木餐牌。不過好可惜，木餐牌上所寫的東西全部都無供應，就連普通的魚生、壽司、手卷、天婦羅、梅酒都無供應。咁都算是居酒屋嗎?好想走。不過，朋友話既然來到，好好醜醜都叫啲嘢食完先走啦…….我哋叫咗一杯柚子酒、一杯啤酒、一碟炒菜、一份燒雞翼、一份牛肚煮、一個牛肉烏冬。好好彩，啲嘢食唔算難食，只是牛肚煮太鹹了，不過，佢都煮得好腍。另外，炒菜都好爽脆無煮得過熟；雞翼去咗骨，醸咗啲蝦肉，食落都OK；牛肉烏冬好清淡。