太二老壇子酸菜魚

营业中

休息中

好少呵食飯食到把幾火！12點15分落單，等左15分鐘個魚都仲未上（PS當時店內人流一般唔算爆場）。等左好耐到個魚上左，又等左好耐都唔上飯。大佬返工食飯時間就得個一個鐘頭，等得你幾耐啊。中間催過一次，見到個員工聽完唔理就走左去pack外賣。之後等左成半個鐘都未上，連後面遲入既人都已經有飯食，打算再催多次。基本上全部員工都係睇到我揮手當睇唔到，有幾個仲過分到係附近上完菜都掂行掂過。已經嬲到打算唔食諗住埋單個陣退左兩個飯。到差不多12點50分終於見到有個員工慢條斯理拎住兩碗飯行過來…總之全程體驗極差，d員工完全好似唔想做咁。食物質素都好唔掂，第一次食酸菜魚d魚係咁腥，同埋明明叫既係唔辣，但都係辣到喊。價錢就絕對係0性價比，一個午市套餐竟然要189。