太二老壇子酸菜魚

营业中

休息中

今日朋友請我吃生日飯，突然之間很想吃酸菜魚，所以就選了太二老壇子酸菜魚啦！一坐下見到一個籤筒，立刻求籤，發現很多都是好籤，於是我們翻出所有籤，發現全部都是好籤喔 👍🏻 🕊️ 洛神花陳皮茶包都是隨便拿！很有陳皮味，而且洛神花好開胃🕊️ 西柚茉莉綠茶茶包都是隨便拿！西柚味配上茉莉花茶，好清新 🕊️ 招牌鱸魚酸菜魚由於我們都吃不了辣，所以點了小辣 😆 魚肉不但份量多，而且非常嫩滑又無骨；湯底又酸又辣，非常惹味。配上紅薯粉，雖然薯粉吸收了辣汁，但有一點辣，真的比較好吃 😆 🕊️ 乾煸肉沫四季豆 鑊氣十足，好入味！🕊️ 芥末蝦仁球 有一點點的芥末味，不太濃，不錯！🕊️ 糍粑 好煙韌，配上黑糖汁，正！但一定要趁熱吃。總括來說，跟內地吃差不多，雖然在香港吃價錢相對貴，但都很好吃，而且沒有特別趕我們結帳。

一開始scan QR code去check排到邊突然俾人cancel咗張飛，個staff話要重新排已經好燥坐低叫嘢食之後，個菜同個飯好快就嚟咗，但條魚等咗45分鐘都未嚟？？？吹個Staff吹咗幾次都冇反應？？？人哋隔籬枱已經食完走埋，條魚都係未到，菜同飯已經凍晒。之後個Staff仲好意思過嚟問last order仲有冇嘢要加？問過Staff做咩事點解條魚咁耐都未嚟，個Staff就淨係識笑笑口，條魚係煮緊定係仲養緊？定係仲釣緊？連一個答案都冇。以後唔使嚟

完全縮水，同大陸太二份量比，明顯少左！ 香港食，貴一倍唔止，但各方面都差左，冇動力再食第二次。食品份量不一 ，我地坐左兩枱，都係叫左2-3人份量， 但d魚內份量有差別， 唔明點解做唔到標准化？ 加一服務費完全唔值， d店員消極，做又三十六，唔做又三十六，行行企企逗人工，唔見有店長嘅物品出現過，店員服務難有保證，想投訴都冇人店員偏年輕 ，不過就態度一般，同一般香港餐廳無異，同內地太二比，服務又差一截 。總結：只可一，不可再

好少呵食飯食到把幾火！12點15分落單，等左15分鐘個魚都仲未上（PS當時店內人流一般唔算爆場）。等左好耐到個魚上左，又等左好耐都唔上飯。大佬返工食飯時間就得個一個鐘頭，等得你幾耐啊。中間催過一次，見到個員工聽完唔理就走左去pack外賣。之後等左成半個鐘都未上，連後面遲入既人都已經有飯食，打算再催多次。基本上全部員工都係睇到我揮手當睇唔到，有幾個仲過分到係附近上完菜都掂行掂過。已經嬲到打算唔食諗住埋單個陣退左兩個飯。到差不多12點50分終於見到有個員工慢條斯理拎住兩碗飯行過來…總之全程體驗極差，d員工完全好似唔想做咁。食物質素都好唔掂，第一次食酸菜魚d魚係咁腥，同埋明明叫既係唔辣，但都係辣到喊。價錢就絕對係0性價比，一個午市套餐竟然要189。