柚子茶室

营业中

休息中

最鍾意幫襯小店，喜歡平民化同街坊生意果種親切感。今次特登去咗大角咀呢間隱世餐廳食晚飯。７點去到，已經坐滿人要搭枱。兩個人叫咗兩個餐。咖喱厚切豬扒飯 $61：超多咖喱汁，係屋企煮果種咖喱嘅風味，齋用D汁嚟餸飯都可以食晒成碟。豬扒好食，又淋又juicy，讚。秘製無骨海南雞油飯 $65：好幸運地喺無加價嘅情況下畀咗雞脾我。雞好嫰，已去骨，啖啖肉。係正宗嘅海南雞，凍上，係似啱啱喺雪櫃拎出嚟果種温度。撈埋熱辣辣嘅油飯食，温度變得啱啱好。油飯夠香，唔會太油太滯。值得一提嘅係，佢碟三色醬少咗黑醬油，但做咗酸蘿蔔嚟取代。例湯：超好飲。是日葛湯，好甜好好味。估計係零味精同勁足料！呢間餐廳性價比超高，有飯有湯有野飲，兩人埋單都係 $126，用心之作，值得一試。