施心畢老撾餐廳

营业中

休息中

上星期即兴约左同事黎呢度食lunch，今日食过返寻味，又黎食返餐先。餐牌好似一本杂志，有汤粉，捞粉，饭，沙律，小食，饮品等等，价钱中环黎讲真系经济实惠。是冧弹鸡沙律 $78 另加一上次食左是冧弹鸡全米椰子汤粉，今餐唔肚饿，叫左是冧弹鸡沙律。是冧弹鸡份量有6大件，同上次一样系脆皮炸鸡肉，口感外脆内嫩，今次多d鸡胸肉所以感觉唔太滑，不过好多肉食，可惜无左上次个甜甜酱汁味道就差d。沙律其实系青木瓜丝沙律，捞左红萝卜丝同少少青瓜粒加车厘茄，下底垫有生菜，加有脆口花生碎，份量可以，不过我期望沙律份量再多d，因为话嗮都叫自己做沙律。青柠檬水（跟餐）我以为系青柠，点知系普通柠檬两片，失望。我呢个餐埋单$86，座位正常，服务过得去，卫生可以好少少。中环呢个价钱有位坐唔赶客都算好抵食。