Cafe Paradise (砵蘭街) (已結業)

黎到café同朋友食dinner放鬆下，呢間paradise cafe 職員有禮貌，環境有啲暗但係感覺好cozy，啲歌好啱聽同比人2輕鬆既感覺，食物選擇都算多，特別係飲品，我地叫左杯凍黑朱古力沙冰同埋熱薄荷朱古力，沙冰個人認為都幾大杯，因為用黑朱古力所以甜度啱啱好，唔會太甜，但我都係最中意薄荷朱古力，涼浸浸既薄荷味中和返好濃郁既朱古力味，令到入口唔會太甜，我地都叫左心太軟，即叫即整，非常香濃同creamy既朱古力漿，配埋雲尼拿雪糕，完美！仲有黑松露薯條，好細心地除左黑松露醬仲配埋茄汁，薯條夠粗有口感兼且好香脆，黑松露醬夠曬多但黑松露味可以重多少少，下次會再試下軟殼蟹😋