推介一下灣仔這間新開3個月既叉燒外賣專門店「叉太郎」岩哂上班一族👩🏻💻👨🏻💼
叉燒一共有4款口味：原味(太郎叉燒)、
辣味🌶(創辛叉燒)、橙味🍊(橘機叉燒)、酒味🍷(醉紅叉燒)。除了可以配飯、還可以單點，怕肥既可以選擇配沙律菜🥗 均配有半隻糖心蛋🥚叉燒終於唔係咸蛋做朋友🙈
我就試左招牌既太郎叉燒配菜飯（$55+$4）
一打開盒飯🍱見到d叉燒係鋪滿哂係面👍🏻相當足料！叉燒選用既係脢頭肉、肉質軟硬適中，切粒方便入口！仲有少少濃邊
蜜汁係最original最正。飯粒採用珍珠米，粒粒飽滿圓潤，小棠菜無調味，雖然清淡但剛好中和返吃肉的罪惡感。
另一款試了醉紅叉燒配有機藜麥飯（$55）
同樣都係半肥瘦叉燒，色澤較原味的暗淡，因為加左少少紅酒🍷所以會偏暗紅色，反而冇蜜汁咁重味，但食落會有淡淡酒香滲出來～
藜麥飯唔洗額外加錢，幾有咬口，唔錯既健康選擇👍🏻
購買任何套餐都可以+$28追加無味精的太郎美顏湯（單點$58/碗）當晚既係👉🏻霸王花玉竹豬肉湯，好足料！味道清甜得來暖胃🥰
如追加纖盈有機菜就+$15（單點$38/份）我就試左竹笙浸有機時蔬🤍 竹笙清香爽滑、娃娃菜鮮嫩清甜，有營又健康💪🏻
如果唔想食飯、又驚沙律唔夠飽既話，可以試下「焗太郎叉燒芝士烏冬 $72」港式燒味Mix西式煮法，幾創新✨估唔到味道又ok夾
我地仲額外單點左一份輕量級既橘機叉燒🍊 $38 食落似柚子蜜味，酸酸甜甜幾特別🤩 相當醒胃。
另外兩支樽裝既就係佢地既自家製養生特飲 $28/支（套餐+$15）
我試左桂花雪梨茶🍐 清甜的來幾解渴
另外山楂洛神花茶🌺 就有少少偏酸
疫情到持續兩年都仲未完🤦🏻♀️ 外賣自取店已成為趨勢，經常出入港島區既朋友仔，路過灣仔軒尼詩道，不妨一試！
