八方雲集鍋貼水餃專門店

营业中

休息中

今日放假同老婆冇乜嘢做所以就去附近地點食lunch之後再返屋企hea。冇乜所謂所以見到八方雲集就入咗去食。大家嘅戰鬥力都一般所以只係叫咗一個鍋貼餐另外再加五隻鍋貼同一杯野飲就算。鍋貼外皮煎得唔夠脆，而且都幾油，但就夠熱嘅。招牌鍋貼裏面有菜有肉，口感都不錯。咖喱嘅味道就比較搶，但唔會係辣到阿媽都唔認得要狂飲水嗰隻，韭菜就比較濃味。三款嘅味道都不錯。嘢飲就揀咗豆漿同埋酸梅湯，豆漿好明顯係用粉開嗰隻，酸梅湯就算酸甜甜都幾好飲。唔使一百蚊兩個人又一餐，算係咁啦。