茶聊 (已結業)

成日係IG見到好多人都嚟過呢一間cafe打卡，我成日都諗係咪真咁好味😋？所以有一個星期日特登拜訪左呢一間位於旺角樓上cafe!餐廳位於砵蘭街既商業大廈一樓，同朗豪坊只有兩三分鐘路程，非常方便。我今日就試咗一個招牌珍珠鮮奶飲品🧋同埋梳乎厘！黑糖珍珠鮮奶賣相都幾吸引，鮮奶🥛口感順滑，奶味濃郁，黑糖味道都剛剛好夠。入面有好多珍珠，不過因為未煮透，珍珠入面有點硬🌚，口感上分數大打折扣！果日突然口痕想食pancake，所以就叫左北海道3.6牛乳梳乎厘班戟，過一過口癮😋！同樣地，表現只係一般，口感偏屬於空氣感，所以食落係軟飄飄。唯一特別係，班戟牛奶味真係好突出。梳乎厘Pancake提供既款式都比較普通，同其他班戟專門店比較起，表現較遜色，賣$88有點唔值。中肯咁講，茶聊都係一間cafe，都提供好多唔同種類野食，而且梳乎厘班戟係比較難掌握，所以甜品表現一般可理解。不過珍珠未煮透真係😥.....。我真心覺得呢一間餐廳只適合打卡📸，同埋因為位置方便岩哂同朋友見面，對食物期望唔好高。