辣歡喜 (已結業)

今日來到柯士甸去朋友屋企玩下，順便搵下附近有咩好食的野買上去一齊食。見到呢間新開的辣歡喜小店，係專做外賣的香辣食物，價錢相宜，就買幾盒試下。店內有個雪櫃擺晒多款盒裝的香辣小食海鮮等，全部都即日制作，包裝衛生方便，新鮮美味，而辣度係固定的，微辣。金牌香辣鴨舌，份量多，辣汁滲入當中，肉質嫩滑入味，香甜有嚼勁。招牌香辣蜆，蜆肉厚身鮮甜，多汁香辣，好惹味，係送酒的絕配。香辣豬頸肉，肉質爽脆，辣汁較多，咬落有油脂香味，啖啖肉，肥瘦適中。