影片
更多
2016-09-15
780 浏览
有單據：今日喺朗豪坊附近行完街好熱，淨係諗起想食日本野！抬頭一望，見到KFC樓上有呢間一休！諗都唔諗就上去！地方原來都大，環境乾乾淨淨座位分明，唔會枱貼枱,我地都坐左喺玻璃窗旁既四人枱～～望住人來人往既朗豪坊大街，自己卻慢慢悠閒地享用晚餐，係嘆既～枱頭又望到呢個餐牌，又幾抵喎!仲有原來每日7.30pm前落單仲有優惠，每日都有唔同既「大割引」，可惜我8pm先落單～鰻魚串 $58/2串鰻魚有肉地，表面帶微脆，燒得好香口；醬汁沒有過多，岩岩好唔會覺得膩。2串有點唔夠喉～燒佃權魷魚餅$58 （築地直送）見到築地直送4隻字就無考慮就叫左，結果都無失望。魷魚餅有魷魚粒，味道唔會太咸，份量都多。鹽燒秋刀魚 $382條都算大條，燒得岩岩好，完全無燶，點上檸檬汁食味道更佳。鱆紅魚薄切 （一客）$98用魚生盤上枱。色澤新鮮，切得薄身但有肉地，入口鮮甜。呢個價錢抵食。大阪燒 $38可能我食開既比較多椰菜，所以我覺得呢個大阪燒比較厚粉同無菜。好在佢份量唔多。所以幾個人分嚟食就唔會飽滯。特盛海鮮丼 $68呢個價錢以海鮮丼嚟講算ok, 都有齊基本魚生同蝦，而且肉都厚。但刺身既筋亦比想像中少。一休海鮮沙律 $55呢
今日喺朗豪坊附近行完街好熱，淨係諗起想食日本野！抬頭一望，見到KFC樓上有呢間一休！諗都唔諗就上去！
地方原來都大，環境乾乾淨淨座位分明，唔會枱貼枱,我地都坐左喺玻璃窗旁既四人枱～～望住人來人往既朗豪坊大街，自己卻慢慢悠閒地享用晚餐，係嘆既～
枱頭又望到呢個餐牌，又幾抵喎!
仲有原來每日7.30pm前落單仲有優惠，每日都有唔同既「大割引」，可惜我8pm先落單～
鰻魚串 $58/2串鰻魚有肉地，表面帶微脆，燒得好香口；醬汁沒有過多，岩岩好唔會覺得膩。2串有點唔夠喉～
燒佃權魷魚餅$58 （築地直送）
見到築地直送4隻字就無考慮就叫左，結果都無失望。魷魚餅有魷魚粒，味道唔會太咸，份量都多。
鹽燒秋刀魚 $38
2條都算大條，燒得岩岩好，完全無燶，點上檸檬汁食味道更佳。
鱆紅魚薄切 （一客）$98用魚生盤上枱。色澤新鮮，切得薄身但有肉地，入口鮮甜。呢個價錢抵食。
大阪燒 $38可能我食開既比較多椰菜，所以我覺得呢個大阪燒比較厚粉同無菜。好在佢份量唔多。所以幾個人分嚟食就唔會飽滯。
特盛海鮮丼 $68呢個價錢以海鮮丼嚟講算ok, 都有齊基本魚生同蝦，而且肉都厚。但刺身既筋亦比想像中少。
一休海鮮沙律 $55呢個沙律幾驚喜，以為係一碗仔，原來係長碟上～有虎蝦再配埋好多生菜、車厘茄同蝦籽～
辣汁虎蝦沙律 $46呢個肉泰式生蝦，一樣用泰式醬汁。生蝦算爽甜。
蔥吞拿魚卷 $28/2件吞拿魚蓉幾鮮甜，色澤新鮮，無筋～
蔥吞拿魚卷手卷 $28
吞拿魚卷手卷中既吞拿魚卷份量就比較少。
呢餐4個人食600蚊都唔使真係抵～服務：個男經理好有禮貌，會成日"excuse me!" "thank you!" 甘～其他店員都會主動同客人換碟同添水～
张贴
