一坐低, 待應先送上四款韓式前菜給我們醒醒胃。
原來除左醬油蟹外, 呢度更推出左醬油飽魚同埋醬油蝦, 我地揀左兩款醬油、一款主食, 一齊Share食。
【韓式醬油鮮蝦】HK$128
沙律菜伴上7隻凍食既醬油蝦上檯, 蝦身呈半透明狀, 可見近蝦頭位置有橙色蝦膏, 剝殼後蝦身完整可見新鮮, 唔係死蝦變水果種。
入口有冰涼感覺, 甘甜蝦膏, 醬油汁沾上蝦身, 甜甜的, 不是想像中醬油那個"油"的油林林。
蝦肉帶點爽口, 醬油更顯鮮甜味。
【韓式醬油醃生蟹伴飯】HK$178
蟹蓋上加左隻生雞蛋, 蟹膏唔太多, 第一次食生蟹, 同樣都是凍食, 肉質呈半啫喱狀, 沾上甜甜地既醬油, 帶出鮮甜味。
配上隔離多款既配料伴飯, 口感既特別,又豐富。
【鮑魚參雞湯】HK$138
參雞湯熱辣辣上台, 入面有一隻鮑魚仔, 大半隻雞入面釀左糯米、紅棗、人參。個湯帶點膠質,有點黏口, 但參味唔太重, 雞肉很嫩滑入味, 好夠林。
再Order左兩杯飲品, 都幾大杯, 有酒精同非酒精選擇:
【Shark Attack Cocktail】HK$88
杯中透明係椰子汁, 鯊魚中裝左D仿血既紅色糖水, 像真度幾高, 甜度可以自行調教, 野飲中有青檸同埋檸檬, 很解渴。
【Cocktail Tita - Fly High (strawberry)】HK$88
同樣好大杯,, 有枝青蘋果飲品倒入杯野飲, 大大減少飲品中既檸檬苦味, 令到飲品更fresh更甜!!
未食過醬油海鮮前, 腸胃一向唔好既我一直擔心食完會搞肚痛, 幸運地食完今餐之後都冇事,冇肚痛, 呢度既海鮮都幾新鮮, 一點腥味都冇, 唔錯!
