El Portal (已結業)

西班牙海鮮飯份量充足的西班牙飯，飯粒比較濕潤又唔硬;而飯既醬汁就帶有微微蕃茄味同香草，再加上蝦、青口、蜆及墨魚等海鮮，簡直係勁飽肚!希臘餃子(羊奶芝士反和菠菜)第一次食希臘餃子，炸餃子餡係軟軟同經調味既菠菜，而底下就鋪上羊奶芝士。羊奶芝士比想像中易入口，無任何羶味，而且唔會有濃郁芝士感，食落就似sour cream咁，同餃子都幾夾。青口配馬里涅拉舞醬汁青口非常新鮮，一碟都有好多隻;醬汁有少少辣，加上蕃茄、洋蔥粒及香草煮成，整體味道都唔錯。西班牙churros配花生、果仁糖、朱古力Churros 超新鮮，送到來係又脆又熱! 佢既蛋味比較濃郁，成件事就似雞蛋仔咁外脆內香蛋味; 再加上變成泡泡既花生、果仁糖及濃郁朱古力整成既汁，好想食多幾條啊!希臘黑啤好神奇之第一次飲!原來佢比啤酒無咁甘同苦，好易入口又重麥味，而且仲帶點mocha味，好特別可以一試!