漁吉海鮮丼專門店 (已結業)

呢日放工之後去咗觀塘工廈呢間日式餐廳度買外賣返屋企食，放工時間唔係好多人，所以可以好快咁買到外賣。睇睇餐牌，見到啲丼飯都好吸引，另外仲有啲壽司可以選擇。我地點左比目帆立丼，呢個刺身丼入邊有左口魚裙邊、帆立貝同埋三文魚子。左口魚裙邊好軟熟，入口即溶，帆立貝都幾大粒，唔錯。另外仲有漁吉特選丼，呢個係呢間店嘅招牌丼飯，入面包羅萬有，有三文魚、油甘魚、鰻魚、海膽、產地直送鮮魚、三文魚子、櫻花魷魚、赤蝦、左口魚邊同埋帆立貝，超豐富。食完呢個丼飯真係感覺好滿足！