影片
更多
2023-01-27
41 浏览
新一年當然要食啲好嘢，之前同朋友一齊去銅鑼灣食鐵板燒，好高質😍 呢間鐵板燒大約有二十個位度，全部位置都係bar枱，可以望住師傅整🤓 餐廳盡頭有個魚缸，可以見到新鮮嘅海鮮，例如龍蝦、鮑魚🦞 整體氣氛同環境都幾好，店員亦都會為每道菜式作簡單介紹～OTETSU Dinner Set D -ALL DAY $2788火炙鰹魚青木瓜沙律第一道菜係沙律，用上泰國青木瓜絲，配合蘆筍、少見嘅蓮芋、西班牙三色蕃茄等，全部都fresh 同爽脆😝 我揀咗芥末醋，帶少少辣又酸酸哋，更開胃😜 另外仲有火炙鰹魚，火炙後魚味更出，仲有啲焦香味😚兩款季節食材☝🏻白子不時不食，冬天嘅白子最肥美🤤 第一次試煎香嘅白子，師傅以日本醬油醃製白子，令白子增添醬油香味😍 白子完全無腥味，煎香後仍然滑溜，好好味😆✌🏻北寄貝北寄貝新鮮即開，煮之前仲識郁🤭 上碟時仲加咗火炙效果，北寄貝口感彈牙又鮮，師傅加入奶白色嘅魚湯煮，成個湯汁都好鮮甜😜南非活鮑魚配海苔醬不得不說活鮑魚係由魚缸入面即取，店員話係南非三頭鮑，大隻又厚肉😙 師傅用白洒同牛油煎香，切片上菜，鮑魚一啲都唔韌，口感好好亦食到鮮味😗 另外配上海苔忌廉醬，鹹鹹地又帶有奶香，同鮑魚
新一年當然要食啲好嘢，之前同朋友一齊去銅鑼灣食鐵板燒，好高質😍 呢間鐵板燒大約有二十個位度，全部位置都係bar枱，可以望住師傅整🤓 餐廳盡頭有個魚缸，可以見到新鮮嘅海鮮，例如龍蝦、鮑魚🦞 整體氣氛同環境都幾好，店員亦都會為每道菜式作簡單介紹～
OTETSU Dinner Set D -ALL DAY $2788
火炙鰹魚青木瓜沙律
第一道菜係沙律，用上泰國青木瓜絲，配合蘆筍、少見嘅蓮芋、西班牙三色蕃茄等，全部都fresh 同爽脆😝 我揀咗芥末醋，帶少少辣又酸酸哋，更開胃😜 另外仲有火炙鰹魚，火炙後魚味更出，仲有啲焦香味😚
兩款季節食材
☝🏻白子
不時不食，冬天嘅白子最肥美🤤 第一次試煎香嘅白子，師傅以日本醬油醃製白子，令白子增添醬油香味😍 白子完全無腥味，煎香後仍然滑溜，好好味😆
✌🏻北寄貝
北寄貝新鮮即開，煮之前仲識郁🤭 上碟時仲加咗火炙效果，北寄貝口感彈牙又鮮，師傅加入奶白色嘅魚湯煮，成個湯汁都好鮮甜😜
南非活鮑魚配海苔醬
不得不說活鮑魚係由魚缸入面即取，店員話係南非三頭鮑，大隻又厚肉😙 師傅用白洒同牛油煎香，切片上菜，鮑魚一啲都唔韌，口感好好亦食到鮮味😗 另外配上海苔忌廉醬，鹹鹹地又帶有奶香，同鮑魚好夾👏🏻
西澳龍蝦配海膽汁
龍蝦同樣新鮮即取，龍蝦大隻又多肉🦞 師傅好輕鬆咁起肉，可見有幾新鮮👍🏻 龍蝦肉爽甜，加上海膽汁，令鮮味層次更豐富😆
煙燻西班牙伊比利亞厚切豬
平時多數都係揀和牛，今次試吓呢款伊比利亞厚切豬🐷 店員介紹呢款豬會有90日只食橡果，所以豬肉嘅質素好好，煮五成熟就食得😍 上菜前師傅會為豬肉煙燻，食落多咗一陣Parma ham嘅味道，幾特別～豬扒好juicy, 仲帶有少少肥邊，令佢好香口🥰
清酒煮蜆湯
清酒蜆湯飲完暖笠笠，蜆肉甜，幾舒服😌
海膽烏魚子炒飯
炒飯炒至乾身，一粒一粒，見師傅放咗好多海膽，又有蛋汁同烏魚子，鹹鹹香香，食到好飽😙
雪糕
最後選擇了黑糖雪糕，唔會太甜，幾特別😝
张贴
