八沢 (杏花新城) (已結業)

Blue Monday 完全無心機煮晚飯🥺，同老公落樓下商場搵食，呢間餐廳成日經過都好想試下，今晚終於有機會🥳，餐廳啲位都幾闊落，牆上面有貓貓狗狗既畫，望到都開心😍我叫左個黑蒜炙燒極濃黑豚肉拉麵，黑蒜湯底香濃，好好味，忍唔住不停咁飲🫢，飲完又唔會特別口渴。黑豚肉大大塊啖啖肉，好正好滿足😋 拉麵仲有日式魚蛋，黑木耳同糖心蛋做配料，大滿足😊 題外話，我自己好鐘意碗拉麵個器皿，勁日式，好有鄉下感覺。老公係牛魔王，都估到佢會叫黑安格斯肉眼掛烏冬😂 黑安格斯肉眼好香牛肉味又唔會好騷，又係會食唔停口，烏冬煙韌索晒啲牛肉汁👍🏻好味