鳥山名

甚少到愉景新城， 行到去呢間餐廳，入去前打開個Menu研究下，見到都有好多菜式選擇， 咁啱仲要有優惠時段。 好啦！ 就試下呢間啦！

我哋兩大一細， 叫咗個刺身飯套餐（三文魚腩、赤海蝦，芥辣章魚）、8件壽司拼烏冬餐、兒童餐麵包超人便當。

刺身好新鮮，隻蝦好大隻👍🏼 飯嘅軟硬度適中。 套餐仲有前菜、茶碗蒸、甜品、一大杯飲品。價錢相當合理。

小朋友食嘅麵包超人便當好開心， 有炸蝦、蟹子飯、玉子燒、粟米、烏冬、啫喱糖、益力多....（唔記得影相😅）


侍應細心，對小朋友都好有愛心。