Chalet by Loft 7 (已結業)

今日生日男朋友帶我嚟荃灣金荃大廈地下的巜Chalet by Loft 7》，餐廳主要食瑞士菜為主，好多菜式可以揀，食材新鮮又豐富。香煎鴨胸黑松露意大利飯💯烤焗法式脆面香草寳雲酥羊鞍 配薯菜💯青檸蜜糖雞翼💯香煎鴨胸黑松露意大利飯黑松露真係配咩都好好食㗎！今次叫咗個香煎鴨胸黑松露意大利飯。厚厚嘅鴨胸肉非常嫩滑，配清香嘅黑松露意大利飯，兩種味道非常之平衡，好味！烤焗法式脆面香草寳雲酥羊鞍 配薯菜 燒汁羊鞍咬落去非常之趣，外層係由脆面香草混合而成嘅表皮，比普通面粉除將更鬆軟更香，羊肉多汁嫩滑！男朋友都好鍾意食呀！青檸蜜糖雞翼好經典嘅青檸蜜糖雞翼，雞翼煎到外皮脆卜卜，入邊熱辣辣，雞油和肉汁流晒出嚟，雞油令到雞肉好滑，酸酸甜甜嘅雞翼超正超開胃！