Burgeroom (美麗華廣場1期) (已結業)

呢度地方好大，闊落舒服，好有美國酒吧feel, 員工有禮貌，亦都非常細心，我地早到左，佢見暫時都吉位，就俾多張枱我地拍埋，等我地放食物都鬆動啲。呢度除左牛肉漢堡，仲有好多選擇，有素，魚，海鮮，雞同鴨。梗有一款啱你。我地叫左一個Lunch Burger combo 同一個沙律，份量都幾多，夠晒飽！Truffle Cheese Portobello Burger 黑松露芝士大烤菇煙肉牛肉漢堡加-個Burger黎到既時候已經幫你切開左一半，方便我地share,包夠鬆軟，漢堡實淨啖啖肉有咬口。我地另外加左$30 轉lunch burger Combo, 有直薯條🍟同飲品。Foie Gras on Green鵝肝沙律- 鵝肝煎得外脆內軟，夠juicy,沙律菜非常新鮮，有羅馬生菜🥬火箭菜，紫洋蔥圈同蕃茄🍅，蕃茄仲要係去左皮架，好有心機！Bundaberg蜜桃味梳打水-食漢堡包另一清新選擇，唔使次次都係配可樂！