不二の茶 (V Walk) (已結業)

南昌站由一塊空地搖身一變成為新嘅地標商場。天氣咁熱，一衝入商場「V Walk」就見到呢間醒神嘅台式飲品店！京都抹茶髒髒茶 $33健康嘅抹茶，再加上台式珍珠奶茶。賣相都幾靚，影相打卡之後再搞勻，口感一流，粒粒珍珠夠晒咬口。芒芒多多 $38芒果味夠香濃，有啲似芒果沙冰嘅味道，再加上香港人經常飲嘅益力多，味道幾夾，都幾健康。店鋪飲品係新鮮即沖嘅，要等幾分鐘左右，時間合理。店鋪外仲有好多檯同枱櫈，可以坐低慢慢傾計慢慢飲，感覺十分文藝，幾舒服，值得推薦。