手作鮮芋站 (已結業)

呢間人氣手工芋泥店非常特別，佢哋主打芋泥&芋圓及仙草，係全人手自家製作！仲有比佢哋出品嘅芋泥吐司吸引住，所以今次特意同朋友走入九龍城食好西！芋泥肉鬆吐司爆餡芋泥肉鬆非常有賣相，芋泥同肉鬆份量十足！
芋泥口感軟綿綿，芋香味香濃又香甜，肉鬆香口帶鹹味，而多士烤過特別香脆可口，成個口感非常有層次！鹹甜味集於一身，LIKE！鮮奶芋圓系列 3號 （三色芋圓、仙草、芋泥球、海底椰）芋圓係新鮮自家製，所以比起出面買到嘅芋圓會更加好食、口感煙韌。仙草軟嫩滑溜，再加上濃厚鮮奶、芋泥口感香滑，仲有海底椰嘅加持，perfect match！飲品
佢哋嘅台式茶飲都有好多款選擇，麻糬、奶茶、芝味奶蓋、水果茶、冷泡茶等等。我哋最後揀咗手作、芋泥芋圓鮮奶 & 芋香芋圓鮮奶，兩杯味道都調教得好，分別在於一杯用芋泥，而另一汁係用香芋汁。手作、芋泥芋圓鮮奶有芋泥加持，所以口感會比較香濃香滑；而芋香芋圓鮮奶用香芋汁，入口會有淡淡嘅芋香鮮奶味道。