Casa Pennington (已結業)

朋友升職加薪，請我來到casa pennington吃好東西，餐廳在酒店內，環境舒適闊落。早已聽聞呢度嘅生蠔新鮮兼抵食，適逢餐廳正在進行部分生蠔買一送一，可以選擇的亦有十多款之多，自然抵上加抵。兩個人點了半打，請了服務員為我們作出推介。服務員十分專業，先了解我們既喜好，最後挑了mermaid，arousa以及isabella，由淡至濃味，除咗arousa係西班牙之外，另外兩款都係來自法國。生蠔都係偏向海水味重，蠔身滑溜飽滿，非常creamy，特別是Isabella，蠔味久久都蕩漾在口腔內不散。計返每隻都係大概$3X，實在是大滿足！！！！原先大家仲想encore，但係要留肚食其他主菜，唯有下次先。簡簡單單點咗一個鴨肝意粉，點知好有驚喜，鴨肝切粒，撈埋雜菌煮，食落充滿油脂香，但又唔會覺得好滯或好溜。意粉都煮得剛剛好，爽口彈牙，每條都有好香濃嘅鴨肝香，十分出色。另外點咗羊架，羊架唔會好羶，肉質好嫩，輕易就可以切開。我特別喜歡配菜嘅煙肉薯仔，配搭特別又好味！整體食物水準不錯，服務員笑容可掬，服務細心，難怪當晚有唔少客人都來慶祝生日！在此也要謝謝好友請客！