醉辣鮮 (新田購物城) (已搬遷) 新店位置

疫情好返D，但都唔可以鬆懈，不過又真係屈在係屋企好耐，見難得周末，限聚令又放寬左，不如出去食返D好野。不過，健康都係最緊要，所以都係去郊外係最好的。今次我地就去左元朗新田購物城食好野，因為聽講個度有間餐廳用料都幾新鮮，叫醉辣鮮。去到，我地就叫左個$268(位)餐，兩個人食都夠哂飽。因為佢有足料老火湯，飲完唔口渴，就知係足料新鮮甘甜無味精。配埋隻溫泉蛋，簡直一流。首先我地就蒸左個紅棗杞子蟲草花蒸雞先，過左幾分鐘之後夾出來一食，夠鮮夠入味，用來撈飯就一流。之後我地就夾左D蔬菜同金姑落去蒸，十分爽口。戲肉來啦，就係佢D海鮮，全部都係即撈即劏即蒸既食材，無花無假。元貝、聖子、鮑魚、海中蝦、沙白、花甲、蜆、龍蝦，樣樣都係新鮮，蒸出來唔駛醬油都夠味。當然，更點少得個美味粥底同糖水呢！