芋見好圓

尖沙咀芋見好圓有賣台灣夜市小食-地瓜球、芋頭球，地瓜球仲係即叫即炸，熱辣辣！除咗地瓜球仲有芋頭球，全部都點嚟試下，唔使等到去台灣先有得食。

QQ地瓜球有黃色紫色地瓜，我就比較鍾意食紫色，因為食落甜甜地，另外揀咗加梅子粉更加惹味

大甲芋頭球，外面炸到脆脆地，額外加左海苔粉，海苔粉唔會搶咗芋頭嘅味道。

如果又想食地瓜球又想食芋頭球，可以選擇可芋不可球，呢個除咗地瓜球仲有大甲芋頭球，一次過滿足兩個願望

想食鹹食就可以揀蛋黃肉鬆芋頭球，入面有鹹蛋黃同肉鬆，食完好滿足

所有食物都係熱辣辣新鮮製作！

芋見好圓旺角、大角咀、屯門、上水嘅分店有台式糖水、麵食，下次有機會再去試吓！