麻辣Doi (已結業)

天氣轉凍，想食熱辣辣嘅麻辣菜，所以今次同朋友再去麻辣Doi食飯！餐廳環境好舒適，柔和嘅光線，仲有好多面具做裝飾，好特別！仲記得上次點過烤魚+老壇酸菜湯，今次就點另外兩樣菜式，分別係 牛肉香鍋 同 大盆水煮魚片，真係愈食愈精彩！牛肉香鍋成個鍋上枱，熱辣辣，滲参出陣陣麻辣香！份量好多，而且很入味，真係色香味俱全！另外點咗六樣配菜，分別係油麥菜丶午餐肉丶魚腐丶牛柏葉丶金菇丶雞肉，伴住飯一齊食，正！大盆酸菜魚片超級大盆酸菜魚片，非常出色！呢個湯好鮮甜，而且魚片份量多，魚肉口感非常嫩滑，有大量配菜，例如薯粉丶黑木耳就秀珍菇等等。今晚真係好滿足！