野草

营业中

休息中

今日同小狗去街街之後再帶小狗睇醫生🩺因為未夠鐘所以突登行過嚟食少少野影吓相！小店坐位不算多，但有不少打咭位，可以影吓相，坐喺度睇吓書，其實都可以hea到好耐！我叫咗一份菠菜磨菇多士同一杯熱朱古力🍫⋯⋯點餐時店員都提示即叫即做，所以要大約等15-20分鐘！響等嘅時間，就同咗狗狗周圍影吓相。我哋都真係等左20分鐘左右，時間預計啱啱好！終於有嘢食啦，新鮮熱辣辣出爐嘅麵包，好好味😋包入面有芝士菠菜同磨菇，麵包好香脆，而朱古力亦都好香，而且亦唔太甜！👍🏻👍🏻不過我趕住走，所以速速食完就要走啦⋯⋯下次要再去試其他嘢😊