打開餐牌就有套餐選擇，唔洗諗就叫餐啦！我地就叫左個$399既餐，都有唔少款既海鮮！
叫左先知道原來有專人幫手蒸既😇侍應姐姐都好好服務
1
$399既海鮮蒸鍋套餐，有鮑魚，2種貝殼，青口，竹節蝦，蠔🦪龍蝦，琵琶蝦，羔蟹，菜，甜品！抵到呢～～～
你可以話自己買唔洗呢個價，但唔洗自己洗又有專人服侍，又一定唔會比差既野你，真係物有所值！
蒸完出黎既蠔，唔會縮到細細粒，食落口感唔錯，鮮嫩多汁，岩晒我呢D鍾意食蠔既人
鮑魚都算係幾大隻，新鮮！good
唔好意思，問咗侍應姐姐貝殼個名，轉頭唔就得左😂因為一路期待緊一下道菜，分左心
😍🫠最期待既龍蝦！見到都心心眼，唔係D冇味波士頓龍蝦，見到龍蝦真係覺啦得今餐好抵食！
仲有琵琶蝦！姐姐話升左級比我地tim
仲話琵琶蝦比龍蝦甜🥰我未食過都唔知道，食落去就覺得原來真係比龍蝦甜！
哇～～～～仲有羔蟹！姐姐話呢個係奄仔蟹係升級左比我地😍好吸引！奄仔蟹既羔係淋身，羔既香味比較清淡，不過咁新鮮點食都係好食
最後係會有菜同埋會拎D龍蝦殼去煮粥🥰好味
成餐飯都食得好滿足，服務又好！
下次會再黎！
1
