阿爺八鮮鍋 (已結業)

今日去左位於旺角打邊爐，雖然今時今日少左好多人打邊爐，但我覺得只要餐廳既投疫措施做得好，就唔需要太擔心。呢間阿爺八鮮鍋既店內設有空氣消毒機，入到餐廳又提供口罩袋同埋酒精搓手液，都算做得幾全面，而且所有餐具都有經過高溫消毒，用滾水煲過哂先用，咁食既時候就放心好多。餐廳主打任食海鮮既火鍋，不過打邊爐前先有燉湯、雞煲、刺身同小食，所以唔駛怕食海鮮唔夠飽。今日既燉湯係花膠燉翅，開頭都無乜期望，以為得個名勁，但一開就知燉湯真係勁足料，有一梳梳翅同大大件花膠，淨係飲湯都值回票價。之後仲有刺身，今日只要like 社交平台就會送象拔蚌刺身，象拔蚌刺身勁鮮甜爽口。跟住就有雞煲，雞煲都係任食，有得揀唔辣，肉質嫩滑。食完雞煲轉湯底打邊爐，每檯都有一份刺身拼盤，每人有半隻龍蝦，另外有啲可以任食既海鮮！全部都好新鮮！啲鮑魚仲郁緊架。我覺得必食鮑魚同蟶子！每樣食返幾隻都已經回哂本，平時去街市買鮑魚一百蚊都係得幾隻架咋。仲有蟹點都要食返兩隻啦，好多膏仲有肥牛係手切架，肉味濃，又唔會一大舊肥膏，一睇就知係靚嘢