醉辣鮮 (新田購物城) (已搬遷) 新店位置

朋友推介位於元朗新田購物城既 , 今日同男朋友放假就去試下啦新田購物城真係有啲偏, 但由元朗出發其實交通都幾方便去到, 有巴士又有小巴, 如果揸車又有免費泊車優惠我地book咗6pm, 所以一去到就有位, 坐低無耐就陸續有其他食客, 轉望間已滿座 (老實說我一開始諗住地點都有d偏, 時間都尚早, 應該無乜人掛, 最後好彩聽咗朋友講book定位😏)醉辣鮮海鮮餐 ($198/位)老火湯及溫泉蛋🥚熱辣辣老火湯非常足料, 好飲👍🏾 溫泉蛋我覺得有點過熟, 蛋黃唔夠流心差不多飲完碗湯, 野食就開始送上🥢 煲底放入生米、芋頭同南瓜🐔紅棗杞子蟲草花蒸雞蒸雞係店員幫我地放上煲同set時間, 8分鐘岩岩好, 肉質好滑好彈牙, 味道都好好🦐海鮮 & 🥬時蔬海鮮時蔬都好新鮮每張枱上都有張牌貼住每樣海鮮蒸既時間, 加上個爐本身有得set時間, 所以非常容易掌握時間, 平時出面食都一邊睇錶邊食, 好多時都overtime cook, 所以我是非常欣賞呢度所用既爐😍當我地食完d海鮮之後, 米亦煮成粥啦🥣最後仲有雪糕糯米糍同腐足薏米糖水, 非常滿足😋