影片
更多
2017-08-30
7108 浏览
友人生日想請佢食飯, 友人話想食海鮮係OPENRICE見到D間位置方便既九重鮮幾多好評就同友人去左黃埔既D間九重鮮慶生!去到個門口好有韓國風味, 好易認未夠七點去到已經差唔多坐滿, 睇黎D間係人氣食店黎!令我好期待佢既食物!今次叫左個首爾塔, 等佢變九十度等到我口水都差唔多浸晒間鋪, 好想食呀!第一層係蟶子同象拔蚌, 隻蟶子仲長過隻手掌, 而且蒸完縮左水仲係咁大隻, 正呀, 爽口彈牙, 象拔蚌就肥美大隻, 鮮第二層就係我最鐘意既元貝, 大大隻, 唔痴殼, 蒸出黎好多汁, 職員教可以倒返D汁落個塔比粥, 我就倒左2/3, 留左1/3自己飲, 好鮮呀! 海蝦就充滿彈性, 唔會有梅既情況, 睇黎真係好新鮮第三層刀蚌, 北寄貝都好大隻下, 真材實料, 而且睇得出九重鮮好細心咁洗到乾乾淨淨, 而花尾龍萐就好厚肉, 口感好好, 個魚皮好滑溜重膠質, 魚味濃郁, 好好味, 八瓜魚就一般貨色第四層蟹超多膏, 食落勁香口, 但肉較少, 花蛤鮮甜, 木瓜超甜去到第五層終於見到主角中既主角鮑魚了, 鮑魚好大隻, 彈身肉厚新鮮, 滲出全口鮮甜鮑汁, 而其他蔬菜食落好甜, 食得出係真正日本進口最後粥底叫左素菜鮮
係OPENRICE見到D間位置方便既九重鮮幾多好評
就同友人去左黃埔既D間九重鮮慶生!
去到個門口好有韓國風味, 好易認
未夠七點去到已經差唔多坐滿, 睇黎D間係人氣食店黎!令我好期待佢既食物!
今次叫左個首爾塔, 等佢變九十度等到我口水都差唔多浸晒間鋪, 好想食呀!
第一層係蟶子同象拔蚌, 隻蟶子仲長過隻手掌, 而且蒸完縮左水仲係咁大隻, 正呀, 爽口彈牙, 象拔蚌就肥美大隻, 鮮
第二層就係我最鐘意既元貝, 大大隻, 唔痴殼, 蒸出黎好多汁, 職員教可以倒返D汁落個塔比粥, 我就倒左2/3, 留左1/3自己飲, 好鮮呀! 海蝦就充滿彈性, 唔會有梅既情況, 睇黎真係好新鮮
第三層刀蚌, 北寄貝都好大隻下, 真材實料, 而且睇得出九重鮮好細心咁洗到乾乾淨淨, 而花尾龍萐就好厚肉, 口感好好, 個魚皮好滑溜重膠質, 魚味濃郁, 好好味, 八瓜魚就一般貨色
第四層蟹超多膏, 食落勁香口, 但肉較少, 花蛤鮮甜, 木瓜超甜
去到第五層終於見到主角中既主角鮑魚了, 鮑魚好大隻, 彈身肉厚新鮮, 滲出全口鮮甜鮑汁, 而其他蔬菜食落好甜, 食得出係真正日本進口
最後粥底叫左素菜鮮魚湯, 個粥底吸收晒之前食既海鮮既精華, 唔洗講都知好鮮甜好好味, 而且仲有好多大隻蜆一齊煮, 綿密鮮美, 大愛, 但每人食左兩煮已經FULL晒, 職員好貼心話可以打包走, 好野, 第二日晏就又可以食多次九重鮮
個餐無包野飲, 但好彩佢有做特價野飲, 都幾好飲下
總結黎講每一樣海鮮都好鮮甜, 而且仲要係有幾大隻有幾大隻, 全部海鮮鮮到都可以唔洗落調味, 雖然食左四百幾每人, 請埋友人九百有少少肉痛, 但耐唔中一次, 又係我最愛既友人, 食既野又好味, 都無咩所謂啦, 黎緊下個月爸爸生日帶佢再黎食過先!
张贴
