Chill Inn (已結業)

又係二人限聚令，諗起都覺得煩又要去返二人嘅餐廳，今次去遠少少位於九龍灣國際展貿中心因為嗰度人少少傳染力冇咁大，而且亦都有Shuttle Bus去到嗰邊所以都方便嘅今次食泰國菜一間開咗唔係好耐嘅餐廳所以想試吓，首先我哋嗌左個生菜包，豬頸肉，墨汁海鮮意粉，冬陰功海鮮risotto，先講個生菜包份量都足夠而且唔會太辣豬肉粒粒分明用生菜包住果然係好開胃，而豬頸肉方面佢係用炭嚟烹飪烹調，加上秘製嘅蜜糖食落去好香口食完一塊又一塊，到個意粉，成個意粉都係墨汁感覺好新鮮而且加上海鮮嘅配搭味道又唔錯味道非常突出，而海鮮意大利飯，味道均勻唔會偏鹹因為煮呢個飯最怕佢太鹹，而正正呢個飯啱晒我口味。而且佢上面都鋪滿蟹肉加上冬陰功味道簡直係冇得彈，而且呢度嘅服務質素都好好店員會不停為你加水，而且呢度亦都可以帶狗仔嚟啱晒愛狗之人嚟食。