翔壽司 (已結業)

今日經過尖沙咀呢一條食街，諗住食返啲日本嘢上網見到呢一間餐廳經常俾人推介。所以我哋就諗住入去試吓。 我哋入到去就揀咗$158 10件壽司呢一個套餐。因為佢有好多唔同款嘅壽司任你揀，但係每一款壽司最多淨係可以揀兩件。但係我食嘅時候都已經唔清楚自己嗌嗰種係邊一隻😂😂。因為我係一個淨係食貝殼類壽司嘅人，所以要揀10件壽司嘅時候真係完全唔知道點算好😂。所以我就本着一個嘗試嘅心態交晒比我朋友由佢發板。但係最後款款都好好食🤩🤩🤩 但係我想講有一個我覺得特別好食嘅就係赤蝦帶子同埋左邊魚。我想講左邊魚食入口真係入口即溶！我食嗰陣係心諗痴線！點解我好似feel唔到自己食緊一舊魚嘅感覺，而且佢真係入口即溶勁好食。而且我覺得佢赤蝦、甜蝦和帶子好鮮甜我超級鍾意😍😍 同埋建議大家去食午餐會比較好😂因為佢午餐會附送沙律和麵豉湯。同埋我哋嗰日去到都大約一點間餐廳都唔算好多人。但係過咗1:30之後就開始有好多人等位，所以建議大家如果要去嘅話可能大約一點左右就要去到拎位。