丸十寿司日本食堂 (已結業)

有n年都無去過朗豪坊搵食，今日去開旺角就去左「丸十壽司日本食堂」食lunch，原本其實係想試下個lunch set既，但因為星期六既關係，今日係無lunchset，唯有叫其他套餐🥲見到menu每一樣都想試，刺身，串燒，丼飯都覺得好正咁，最後兩個人分別叫左「松葉蟹肉海膽丼」同埋「米國牛壽喜燒（套餐）」。「松葉蟹肉海膽丼」（$238）：😉😉😉😉😉原本以為個丼飯唔會太大份，但黎到既時候又比想像中大份，同埋同圖一樣，松葉蟹肉鋪滿飯面，海膽都夠新鮮，成份丼飯都好夠鮮味，就算大大碗都好，食完好想食多份。「米國牛壽喜燒（套餐）」（$248）：😉😉😉依個壽喜燒就中規中矩，套餐跟既刺身三點當然夠新鮮，感覺壽喜燒既味道可以再濃啲啲，而個牛夠肥夠牛油香味，肥得黎都唔會太膩。個人評分（滿分為5）味道：😉😉😉😉環境：😉😉😉😉😉員工友善度：😉😉😉😉CP值：😉😉😉😉😉