安哥火鍋 (已結業)

突然好想食粥底火鍋，見呢間評價話海鮮好正就試下啦！我地六點半左右入座，7點幾已經開始停止walkin，所以要食真係要早d去/提前book位！每個套餐最少要兩位起叫，我地揀左B餐+粥底。一開始只會上粥水，食到最後夥計先會幫加粥膽。所有食材都好新鮮、好好食。特別係海鮮類，上左檯一段時間都仲識郁。揀餐廳前睇過其他食評話份量好少、唔夠食，本來仲諗好下場食咩糖水，點知最後係食到好飽，+食唔曬要打包，好滿足！