海記合桃坊甜品 (已結業)

好欣賞D食店會時常轉換餐牌, 咁樣對於食客來講都係一種新鮮感.好似海記這一店就係一個好例子,都有一段時間無來太子食甜品, 星期六晚經過又見到海記出左新甜品就係俾佢地既新POSTER新甜品吸引入去.我叫左個翻牌楊枝甘露, 初時以為有咩特別呢?點知原來都係楊枝甘露只不過多左幾粒龍眼...HOHOH真係有點覺得自己攪笑.明明為左新甜品而入來, 反而最終叫既都係換瓶不換酒既甜品...幸好甜品都算用料豐富, 特別大粒西米煮得岩岩好又爽配合上甜美既芒果汁做底都算美味既甜品.至於友人叫既都係沒特別既芒果小丸子甘露, 小丸子煮得夠軟身煙韌, 芒果雪糕加芒果沙冰, 成個甜品都充滿芒果果肉既鮮香清甜.